Кызыл хоорайның мэриязы болгаш хоорай Хуралы 2010 чылдың төнчүзүнде “Кызыл” аттыг информастыг Агентствону тургускан. Найысылалдың удуртулга черлери РФ “Тус чер чагыргаларының ажылының дугайында чурттакчы чонга таарымчалыг байдалды тургузарының дугайында” деп хоойлуга үндезилээш кылган. Информастыг агентствонуң кол сорулгазы болза,  Тываның найысылалының чурттакчы чону хоорайның эрге-чагыргазының кылып турар ажылдарының дугайында болгаш келир үеде салдынган сорулгаларын делгереңгейи-биле билип алзын дээн. Ынчангаш “Кызыл –Неделя” 7 хонгаш бир катап үнер, 12 арынныг солун. Бо солун 2010 чылдың декабрь төнчүзүнде 1-2 дугаар кылдыр баштайгы катап чырыкче үнген. Ам 3 дугаар солун үнер. “Кызыл-Неделяга” чагырганың болгаш хоорайның медээлерин, телепрограммаларны, янзы-бүрү чарлалдарны, номчукчуларның чагааларын дээш хөй чүүлдерни доктаамал парлаар. Кызыл хоорайның амыдыралының бүгү талалары маңаа чырыттынар.

Бо солун орус, тыва ийи дылдыг болур. Амдызында орус дылда үнүп турар. Тиражы 1500 кезек. “Кызыл –Неделяның” редакция коллективи республиканың билдингир 3 журналистеринден тургустунган.

Найысылал солунунуң директору болгаш кол редактору Нана Шангина, корреспондентилери: Айгуль Каюмова биле Надежда Ильченко олар